Wasiirka arrimaha dibadda ee Soomaaliya oo ka hadlay Soomaalidii lagu laayay badda dalka Yemen
- Posted at 18/03/2017 20:46:00
By Filsan

Wasiirka Arimaha dibedda ee dowladaa federaalka ee soomaaliya ayaa markii u horeysay ka hadlay xasuuqa loo gaystay qaxootigii Soomaaliyeed ee lagu gumaaday badda dhexdeeda.
Wasiirka arrimaha dibadda, C/salaan Hadliye Cumar ayaa si adag uga hadlay shacabka Soomaalida ah, ee habeenkii Khamiista lagu laayay meel 50 km u jirta Xeebta Hudaydah ee dalka Yemen.
 
Wasiirka Hadliye ayaa sheegay in talaabada dadkaasi lagu laayay ay masuuliyadeeda qaadi doonaan isbahaysiga uu hogaamiyo dalka Sacuudiga iyo Dowladda Madaxweyne Hadi ee dalka Yemen.
 
Wasiirka ayaa sheegay in dhinacyadaasi looga baahan yahay in ay jawaabo ka soo bixiyaan falkaasi, lana aaso intii dhimatay, daryeelna loo fidiyo inta dhaawaca ah isla-markaana lala soo xiriiro qoysaska dhibane-yaasha.
 
Wasiirka Arrimaha Dibadda ee Soomaaliya oo la hadlay Warbaahinta Qaranka, ayaa intaa ku daray dhibaatada halkaasi ka dhacday inay tahay in la helo cid ka masuul ah.

More News...

Maxaad kala socotaa agabka dagaal ee ay ISIS uga carareen magaalooyinkii laga saaray ee dalalka Suuriya iyo Ciraaq?

20/10/2017 09:27:00:-Waxaa labo maalmood ka hor laga saaray magaalada Raqqa kooxda ISIS oo ay u aheyd caasimaddoodii dalka Suuriya, mudana haysteen. Sidoo kale waxaa kooxdaasi dagaal muddo sannad ku dhow socday lagaga adkaaday magaalada Mosul ee dalka Ciraaq. Hadaba maxey agab hub ah uga tageen?

Madaxda dowladda oo ku dhawaaqay xaalad dagaal in dalka la gelinayo sabtida wixii ka danbeeyo

20/10/2017 12:44:00:- Ra'iisul wasaaraha xukuumadda federaalka Somalia, Xasan Cali Kheyre ayaa sheegay in wixii ka danbeeya Sabtida uu dalka gelayo xaalad dagaal, isagoona shacabka Soomaaliyeed ugu baaqay inay ka qeyb qaataan dagaalka ka dhanka ah kooxda Al-Shabaab ee u taagan xasuuqa shacabka.

HARGEYSA: Guddoomiyaha ciyaalka Somaliland oo ka xun qaraxii Zoobe, baaq adagna diray

20/10/2017 10:30:00:-Cumar Cabdiqani Maxamuud oo ah guddoomiyaha ciyaalka Somaliland ayaa ka tacsiyadeeyay qarixii dhowaan ka dhacay magaalada Muqdisho, gaar ahaan isgoyska Zoobe, waxaana uu baaq adag u diray shacabka reer Muqdisho.

Taliyaha cusub ee ciidanka xoogga oo la kulmay taliyaha guud ee ciidamada AMISOM kana wada hadlay duullaan Shabaab ka dhan ah

20/10/2017 06:10:00:-Taliyaha cusub ee ciidanka xoogga dalka Soomaaliya S/Gaas Cabdiweli Jaamac Gorod ayaa la kulmay taliyaha ciidamada AMISOM Jen, Cusmaan Nuur Subagle iyo saraakiisha ugu sareysa ciidanka Midowga Afrika ee AMISOM, waxayna isla soo qaaday sida ay lagama maarmaanka u tahay in la sii xoojiyo howlgallada ka dhan ah Al-Shabaab.

Ra`iisul wasaare Khayre oo kulan dhiirri-gelin ah la qaatay dhalinyarada Gurmad Qaran, lana dar-daarmay

20/10/2017 06:02:00:-Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa ugu baaqay dhalinyarada Soomaaliyeed iney u istaagaan sidii dalka looga xoreyn lahaa kooxaha gumaadka ku haya shacabka Soomaaliyeed, xili uu la hadlayay dhalinyarada Gurmad Qaran oo maanta uu kulannlan la qaatay.

-©2006-2017 Calanka.com waa qeyb ka mid ah CALANKA MEDIA
Kor ku laabo ::: Login :::: Nagu xayeysiiso ganacsigaaga :::: Nala soo xiriir :::: Annaga / About
Waa mamnuuc in la isticmaalo ama la qaato macluumaadka ku jira boggan, amar la`aan.