Madaxweynaha Kenya oo booqday taliska ciidamada Kenya ee Dhoobleey:
- Posted at 19/03/2017 00:04:00
By Webmaster

Madaxweynaha dalka Kenya, Uhuru Kenyatta ayaa socdaal qarsoodi ah ku timid maanta gudaha dalka Kenya, gaar ahaan taliska ugu weyn ciidamada Kenya ee ku yaal magaalada Dhoobleey.

Uhuru Kenyatta oo ku labisnaa dharka ciidamada milateriga ayaa magaalada Dhoobleey ku tegay diyaarad nooca helicopter-ka. Qoraal kasoo baxay madaxtooyada Kenya ayaa lagu sheegay in Uhuru uu socdaal taariikhi ah ku tegay Dhoobleey.

Safarka qarsoodiga ah ee uu ku timid Uhuru Kenyatta gudaha Somalia ayeysan ka war qabin dowladda Somalia, iyadoo aysan jirin xitaa in lagu soo wargeliyay.

Ujeedada socdaalka Mr. Uhuru Kenyatta ayaa lagu sheegay mid lagu dhiiri gelinayay ciidamada milateriga Kenya ee ku sugan gudaha Somalia, wuxuuna hadal uu u jeediyay ku amaanay howlgalka ay ka hayaan Somala.

"Joogitaankiina Soomaaliya, wuxuu bad baadiyay nafaf badan, dadka Kenyaanka ah waligood way idinku faani doonaan, joogitaankiina halkan waxay ugu yaraan dadka ka qaaday cabsidii Al-Shabaab, dalxiiskiina dib ayuu usoo noqday", ayuu yiri Madaxweyne Kenya Uhuru Kenyatta.

Sidon kale, wuxuu howlgalkaan uu ku macneeyay mid ay dalkooda ku badbaadinayaan kuna caawinayaan wadanka ay deriska yihiin ee Somalia oo dhibaato ka haysato Al-Shabaab.

Madaxweynaha Kenya ayaa sheegay in dowladda Soomaaliya ay kala hadlayaan muhiimada inay dhistaan ciidamadooda Milateri, si ciidamada Kenya ay dalkooda ugu laabtaan, taasoo ah qeyb ka ah buu yiri istiraatiijiyadooda ay uga baxayaan Soomaaliya.

Saldhiga Milateri ee Dhoobley ayaa ka mid ah xarumaha howl galka AMISOM ee ay leeyihiin Ciidamada Kenya ee ku sugan Soomaaliya.

 

Booqashada Kenyatta uu ku tegay xarunta ciidamada Kenya ee Dhoobleey ayaa lagu macneeyay inay qeyb ka tahay ololaha siyaasadeed ee tartanka doorashada madaxtinimada dalkaasi oo dhawaan la caban doono.  

 

    

 



More News...

Ra'iisul wasaaraha oo shir guddoomiyay shir looga hadlayay amniga badda iyo xeebaha

28/06/2017 15:28:00:-Ra’iisul Wasaaraha Xukuumadda Federaalka ah ee Soomaaliya Xasan Cali Khayre ayaa shir guddoomiyey kulanka ay yeesheen guddiga amniga Badaha, kaas oo looga hadlayay arrimo la xiriira badaha.

Dowladda Soomaaliya oo ka digtay halista bariis caag ka sameysan oo maalmahaan suuqyada caalamka lasoo geliyay

28/06/2017 14:00:00:-Dowladda federaalka Soomaaliya ayaa ka digtay raashinka aan la koontoroolin tayadiisa iyo la socodka waxyaabaha dalka soo gelaayo, iyadoo si gaar ah farta ugu fiiqday barils caag ah oo maalmahaan baraha bulshada lagu soo bandhigayay oo soo galay suuqyada caalamka qaarkood.

Haweeney waayeel ah oo dib u dhigtay duulimaad diyaaradeed xili ay duceyso is laheyd

28/06/2017 13:30:00:-Haweenay waayeel ah oo safraysay ayaa dib u dhigtay duulimaad diyaaradeed oo ka kici lahaa magaalada Shanghai ka dib markii ay matoorka diyaaradda si kama ah ugu tuurtay qadaadiic, sida ay xaqiijisay shirkad diyaaradeed oo Shiinaha laga leeyahay.

FAL AAD LOOGA ARAGAGAXO: Qoys reer Koonfur ah oo meydka gabadhooda oo 3 jir ah ka helay Laascaanood

27/06/2017 23:12:00:-Fal aad looga naxo ayaa lagu arkay magaalada Laascaanood kadib markii qoys kasoo jeeda gobolada Koonfureed gabar yar oo ay dhaleen si naxariis daro ah looga dilay, gabadhaasi oo da'deeda ku sheegeen waalidkeed seddax sano jir, waxaana meydkeeda lasoo dhigay meel aan ka fogeyn hoyga ay ka degan yihiin Laascaanood.

Madaxweynaha dowladda federaalka oo dowladda iyo shacabka Jabuuti u diray hambalyo ku aadan sanad guuradii 40-aad ee xornimada

27/06/2017 23:24:00:-Madaxweynaha dowladda federaalka Soomaaliya, Maxamed C/laahi Farmaajo ayaa hambalyo u diray Dowladda iyo Shacabka Jabuuti oo u dabaal degaya sanadguuradii 40-aad ee maalintii ay xornimada qaateen.

-©2006-2017 Calanka.com waa qeyb ka mid ah CALANKA MEDIA
Kor ku laabo ::: Login :::: Nagu xayeysiiso ganacsigaaga :::: Nala soo xiriir :::: Annaga / About
Waa mamnuuc in la isticmaalo ama la qaato macluumaadka ku jira boggan, amar la`aan.