Afrikaan helay dheemankii dunida ugu weynaa kii ku xigay iyo madaxweynaha dalkiisa oo uu ugu deeqay
- Posted at 19/03/2017 06:36:00
By Admin

Wadaad baadari ah oo kasoo jeeda tuulada Yakadu ee dalkaasi Sierra Leone islamarkaana lagu magacaabo Emmanuel Momoh ayaa helay dhagax dheeman ah oo culeyskiisa lagu qiyaasay 706-karat, waana kii labaad ee ugu weyn ee dalkaasi laga helo.

Sannadkii 1972 ayaa dalkaasi laga helay dheemankii ugu weynaa dalkaasi kaas oo culeyskiisa lagu sheegay 968.9-karat, waxaana lagu iibiyay lacag dhan 2,5 milyan oo dollar.

Mr. Emmanuel Momoh ayaa dheemankaasi ku wareejiyay madaxweynaha dalkiisa Senegal Ernest Bai Koroma, wuxuuna u hibeeyay dalkiisa si horumar loogu gaarsiiyo.

Dalka Senegal oo uu ku badan yahay dheemanka ayaa qaxar badan ka dhaxlay waxaa dagaal socday muddo 11 sano ah oo ka dhashay dheemanka uu soo idlaaday sannadkii 2002-dii.

Madaxweynaha dalkaasii oo ka hadlay sadaqada muwaadinkan ayaa sheegay in lagu iibin doono qiimo sare si loogu kaashado horumarka dalka la gaarsiinayo, waxaana uu ugu baaqay shacabka intiisa kale in ay raacaan dhabbaha Emmanuel oo kale.

Ma cadda qaabka uu u helay wadaadkan dheemanka sidaa u weyn.

 



More News...

Kulan gaar ah oo maanta magaalada Muqdisho ku dhex maray r/wasaare Khayre iyo wakiillada beesha caalamka

23/08/2017 17:53:00:-Ra’iisul Wasaaraha Xukuumada JFS Mudane Xasan Cai Khayre ayaa maanta kulan gaar ah la qaatay Wakiillada Beesha Caalamka, kulanka oo ujeedadiisu ahaa inuu warbixin ka siiyo xaaladda dalka, isla markaana la sii xoojiyo iskaashiga dhinacyada badan ee ka dhexeeya Soomaaliya iyo dalalka iyo Hay’adaha uu la kulmay Safiiradooda. Ra’iisul Wasaaraha waxaa ku wehliyey kulanka Wasiirada Maaliyada, Qorsheynta, Difaaca, Amniga iyo Wasiiru Dowlaha Xafiiska RW.

Arday Itoobiyaan ah oo buugga mucjisooyinka ku galay arin lala yaabay

23/08/2017 15:56:00:-Kirubel Yilma, oo labaatan sano jir ah kana soo jeeda dalka Itoobiya, ayaa galay buugga lagu diiwaan geliyo mucjisooyinka iyo la yaabka dunida ee Guinness World Records kadib markii uu soo bandhigay arin lala yaabay.

Maamulada Galmudug iyo Ahlusunna oo hal maamul ku midoobaya

23/08/2017 15:46:00:-Jenenaraal Maxamad Nuur Galaal oo horay ugu mid ahaa saraakiishii hore ee ciidamada milateriga Somalia ayaa shalay gaaray magaalada Cadaado, isagoona u tegay waan waanta maamulada Galmudug iyo Ahlusunna, wuxuuna shaaciyay qorshe cusub oo lagu mideynayo Galmudug iyo Ahlu suna.

12 jir xilkas ah oo darawal ka ah booyad waraab gaarsiisa miyi iyo magaalo

23/08/2017 12:13:00:-C/fitaax Maxamed Kaarshe oo da’diisu tahay 12 sano jir ayaa deegaanka Ufeyn oo ka tirsan gobolka Bari ka ah darawaal gaari weyn oo saaran booyad, isla markaana waraabka gaarsiiyo miyiga iyo baadiyaha.

Guddoomiyaha gobolka Missouri oo daqiiqadihii u dambeeyay dil ka bad-baadiyay eedeysane madow ah

23/08/2017 12:55:00:-Guddoomiyaha gobolka Missouri Eric Greitens ayaa baajiyay xukun dil ah oo nin madow ah lagu fulin lahaa kaas oo ku eedeysnaa in uu dilay gabar caddaan ah, wuxuuna magacaabay guddi baaritaan ku sameeya xukunkii lagu riday.

-©2006-2017 Calanka.com waa qeyb ka mid ah CALANKA MEDIA
Kor ku laabo ::: Login :::: Nagu xayeysiiso ganacsigaaga :::: Nala soo xiriir :::: Annaga / About
Waa mamnuuc in la isticmaalo ama la qaato macluumaadka ku jira boggan, amar la`aan.