Toddobaadka soo socda, baarlamaanka gobolka New South Wales ayaa kulmi doona si ay uga wada hadlaan adkeynta sharciyada hubka.
Sida ay qortay wakaaladda wararka ee Reuters, waxaa sidaas yiri Chris Minns, oo ah wasiirkii ugu horreeyay ee gobolka.
“Waxaa na horyaala hawl aad u weyn. Waa mid aad u weyn,” ayuu yiri Chris Minns.
Hadalkan ayaa imid iyadoo la eegayo weerarkii argagixiso ee Axaddii ka dhacay Bondi Beach ee Sydney, halkaas oo ugu yaraan 15 qof ay ku dhinteen laba qof oo dambiileyaal ah, aabbe iyo wiil. Aabaha ayaa haystay ruqsadda qoriga muddo 10 sano ah, waxaana loo diiwaan geliyay lix qori .Â
Sida laga soo xigtay Reuters, baarlamaanka gobolka ayaa Isniinta kulmi doona, iyadoo la eegayo xadka tirada hubka ee uu yeelan karo qof gaar ah.
Sidoo kale waxaa la adkeeyay xeerarka sanadkii 1996 ka dib markii xasuuq ka dhacay Tasmania, halkaas oo lagu dilay 35 qof.Â
