Dadweynaha gobolka Tigray ee dalka Itoobiya ayaa maanta u dareeray goobaha cod bixinta, iyagoo ka qayb qaadanaya doorasho ay isku maandhaafsan yihiin gobolkaas iyo dawlada dhexe ee dalka Itoobiya.

Guddiga doorashada ee dalkaasi ayaa doorashada dib u dhigey xanuunka Covid19 awgeed.

Shacabka Tigrayga ayaa soo dooranaya aqalka baarlamaanka heer gobol oo ka kooban 190 kursi.

Golaha Federeeshiinka ee dalkaasi Itoobiya oo dhawaan shir degdeg ah ka yeeshay amuurtan wuxuu sheegayin dhaq-dhaqaaqyada ka socda ismaamulka deegaanka Tigreega uu ku doonayo doorasha ka duwan dalka intiisa kale uu deegaan ahaan qabsado ay tahay mid gabi ahaanba ka horimaneyso dastuurka dalka Itoobiya u yaalla iyo shuruucda doorashda.

“Arrimaha sharcidarrada ee ka socda deegaanka Tigreega dartii shacabka deegaankaasi iney dhibaato soo gaarto looma baahna, wixi dhib ee jirana goluhu wuxuu aaminsan yahay iney wadahadal iyo isafgarasho lagu dhammeeyo, goluhuhna wuxuu dhiirragelinayaa dadaal kasta oo ismariwaaga taagan xal looga raadinayo” ayuu yiri.

Golaha Federeeshiinka wuxuu maamulka deegaanka Tigreega iyo xisbiga talada deegaankaasi haya ee TPLF uu ugu baaqay iney joojiyaan xadgudubyada xuquuqda aadanaha iyo gabood fallada ay u geysanayaan shacabka deegaankaasi ee la xidhiidha doorashada deegaankaasi uu qorsheynayo inuu si gooni ah uu u qabsado.

Doorashada guud ee dalkaasi Itoobiya ka dhici lahayd bishan Sptember ayaa dib loo dhigay kaddib marki ay labada gole ee dalkaasi cod aqlabiyad ah ay ku meel mariyeen in doorashada dib loo dhigo 9 bilood ilaa iyo sanad.

Leave a Reply

Your email address will not be published. Required fields are marked *

*