Xog duulimaad oo uu baahiyay bogga “Flight Radar24” shalay Isniintii ayaa muujisay in 15 diyaaradood oo ciidan Mareykan ah ay ka duuleen labada saldhig ee Morón de la Frontera iyo Rota ee koonfurta Isbaanishka, kadib markii Madrid ay diiday in Mareykanku u adeegsado saldhigyadaas fulinta weerarro ka dhan ah Iran.
Sida uu sheegay bogga “Flight Radar24”, 9 diyaaradood oo shidaal ku shuba hawada (air refueling tankers) ayaa ka duulay saldhigga Morón, waxayna ku degeen saldhigga cirka ee Ramstein ee Jarmalka, kaasoo ah xarunta ugu weyn ee ciidamada cirka Mareykanka ee Yurub.
Boggu sidoo kale wuxuu muujiyay in laba duulimaad oo diyaarado ciidan Mareykan ah ay ka duuleen Rota — oo ah saldhig badeed leh garoon diyaaradeed — kuna sii jeedeen koonfurta Faransiiska. Sidoo kale, 4 duulimaad oo kale ayaa ka kacay saldhigga Rota, hase yeeshee lama shaacin halka ay u socdeen.
