Midowga Yurub ayaa maanta oo Jimco ah soo saaray amar looga mamnuucayo hawada iyo garoomadeeda diyaaradaha laga leeyahay dalkaasi Belarus oo dhawaan afduubay diyaarad ay leedahay shirkadda Ryanair Air taas oo mareysay hawadeeda islamarkaana uu saarnaa suxufi reer Belarus ah oo ay xukuumadda Belarus doon-dooneysay.

Sidoo kale Midowga Yurub ayaa diyaaradaha laga leeyahay waddamada ku bohoobay Midowga Yurub ka mamnuucay in ay dul-maraan hawada Belarus, sida ay qortay wakaaladda wararka ee Reuters.

Midowga Yurub ayaa cambaareyn kulul dusha kaga tuuray Belarus iyo qaabkii ay u dhaqantay qabashadii suxufi Roman Protasevitsj, waxa ay markaasi ku goodisay in ay tallaabo cuno-qabateyn qaadi doonto oo jawaab u ah falkaasi afduubka diyaaradda Ryanair.

Go`aankan ayaa dhaqan-geli doona caawa saq-dhexe.

Belarus police detain journalist Roman Protasevich in Minsk, Belarus, Sunday, March 26, 2017. Dozens protestors were detained during attempt to rally in downtown Minsk. (AP Photo/Sergei Grits)

Diyaaradda uu suxufiga saarnaa ayaa 23. may waxa ay kasoo duushay magaalada Athen ee dalka Griigga, iyadoona kusii jeeday caasimadda dalkaa Litauen, waxaana ay xilli ay dulmareysay dalka Belarus si khasab ah diyaaradaha dagaalka dalkaasi ugu dajiyeen caasimadda Minsk.

Dhacdadan ayaa inta badan dalalka reer-galbeedka cambaareeyeen, marka laga reebo Ruushka oo xulufo la ah Belarus.