Madaxweyneyaasha dalalka Ruushka iyo Mareykanka Joe Biden iyo Vlademir Putin ayaa maanta oo Arbaca ah yeelanaya kulankii ugu horreeyay oo fool-ka-fool ah, tan iyo markii uu Joe Biden noqdey madaxweynaha Mareykanka.

Sarkaal ka tirsan Dowlada Mareykanka ayaa Talaadadi sheegay in aan wax badan laga filan karin shirkan marka la eego halka ay Moscow iyo Washington kala taagnaayeen sannadihii ugu danbeeyey.

Laakiin labada hoggaamiye ayaa sheegay in ay rajeynayaan in kulanka ay maanta ku yeelanayaan magaalada Geneva ee dalka Switzerland uu horseedi doono xiriir xasiloon, waloow ay labada dhinac isku maandhaafsan yihiin arrimo badan sida; Syria iyo Ukraine.