Shirkadda Uber Technologies ee Mareykanka ayaa gaartay heshiis ay ku doonayso inay ku iibsato shirkadda Delivery Hero ee Jarmalka, oo leh adeegga gaarsiinta cuntada ee Foodora, iyadoo qiimaha heshiiska lagu qiyaasay 14.8 bilyan oo doolar.
Sida ay sheegayaan wararka, Uber ayaa u bandhigtay saamileyda waaweyn, oo uu ku jiro shirkadda Prosus ee Netherlands, inay iibsato saamiyadooda qiimo dhan 41.50 Yuuro halkii saami.
Qayb ka mid ah heshiiska ayaa dhigaya in sanduuqa maalgelinta ee Mareykanka SSW Partners uu la wareegi doono hawlaha Delivery Hero ee 14 dal, kuwaas oo ay ku jiraan Iswiidhan iyo Noorweey, iyadoo heshiiskaas lagu qiimeeyay 1.6 bilyan oo doolar.
Heshiiskan ayaa la filayaa inuu xoojiyo tartanka Uber ee suuqyada caalamiga ah ee adeegyada gaarsiinta cuntada, halkaas oo ay kula tartamayso shirkadda DoorDash, oo leh adeegga Wolt.
Si kastaba ha ahaatee, heshiisku weli ma dhaqan gelin, waxaana loo baahan yahay oggolaanshaha hay’adaha ilaalinta tartanka ka hor inta aan si rasmi ah loo dhammeystirin.
