Home Wararka Caalamka Sacuudiga oo daqiiqadihii ugu dambeyay dib u dhigay fulinta qisaasta nin Kenyaan...

Sacuudiga oo daqiiqadihii ugu dambeyay dib u dhigay fulinta qisaasta nin Kenyaan ah

0

Nin u dhashay dalka Kenya oo lagu waday in lagu fuliyo qisaas dil ah dalka Sacuudiga ayaa daqiiqadihii ugu dambeyay dib loo dhigay kadib olole ballaaran oo uu laga sameeyay baraha bulshada.

Stephen Munyakho, oo ah wiil uu dhalay saxafiga ruug-caddaaga ah ee Dorothy Kweyu, ayaa sannadkii 2011-kii lagu xukumay dil toogasho ah kadib markii uu dagaal dhimasho sababay uu la galay nin ay wada shaqeynayeen oo ku sugnaa Sacuudiga.

Sida laga soo xigtay “ololaha dib usoo celiyo Stevo”, oo ay maamulaan taageerayaasha Munyakho, labada shaqaale “waxa ay soo gaareen dhaawacyo mindi ah” laakiin kaliya Munyakho ayaa ka badbaaday. Sidaas darteed Munyakho ayaa lagu xukumay dil toogasho ah.

Sida uu dhigayo sharciga Sucuudiga, xukunka dilka ah waa laga baaqsan karaa haddii qoyska wax laga dilay ay oggolaadaan in la siiyo magdhow.

Qoyskiisa oo ku sugan dalka Kenya ayaa isku dayayey inay u ururiyaan lacagta Diyadda ah ee looga baahanyahay, taasoo ah saddex milyan iyo bar riyaalka Sucuudig ah ($940,000; £750,000), oo loogu talagalay qoyska marxuumka.

Isniintii, labo maalmood uun ka hor inta aan la dilin Munyakho, Xoghayaha Joogtada Arrimaha Dibadda Kenya ayaa sheegay in Sacuudi Carabiya ay “si naxariis leh u oggolaatay” codsigii dowladda ee ahaa in dib loo dhigo dilka si fursad loo siiyo “wada xaajood kale oo dhexmara dhammaan dhinacyada”.

Previous articleShirka Madasha Wadatashi Qaran oo beri Ka Furmaaya Muqdisho iyo Qoor Qoor oo Soo Gaaray Muqdisho
Next articleNin Waday Qaraxyo Waawayn oo lagu qabtay Boosaaso lana Soo Bandhigay(Sawiro)

LEAVE A REPLY

Please enter your comment!
Please enter your name here