Australia ayaa soo bandhigi doonta xayiraadii ugu horeysay ee si toos ah aduunka loogu soo rogo baraha bulshada ee dadka ka yar 16 sano.

Tallaabadan ayaa noqonaysa tii ugu horreysay oo waddan uu xayiraad ku salaysan da’da ku soo rogo baraha bulshadu ku wada xiriirto , taasoo keentay in la is weydiiyo sida ay u shaqeyn doonto iyo inay badbaadin doonto dhallinyarada.

Laga bilaabo 10ka Diseembar, carruurta da’doodu ka yar tahay 16 sano waxaa laga mamnuuci doonaa inay furaan ama isticmaalaan xisaabaadka baraha bulshada ee caanka ah sida uu dhigayo xeerar cusub oo federaal ah oo ay ku dhawaaqday xukuumadda Ra’iisul Wasaare Anthony Albanese.

Siyaasaddu waxay u baahan tahay goobo lagu xidho xisaabaadka cusub ee da’da yar iyo in meesha laga saaro kuwa jira ee ay leeyihiin isticmaalayaasha da’doodu ka yar tahay 16. Shirkaduhu waa inay sidoo kale soo bandhigaan nidaamyo lagu ogaanayo carruurta aan qaan-gaarin ee isku dayaya inay galaan adeegyadooda. Kuma jiraan goobaha ciyaaraha.

Xayiraada ayaa timid ka dib wax ka beddelka Xeerka Badbaadada onlinka, oo uu kormeerayo Guddomiyaha Badbaadada ee Australia