Facebook oo la dagaalamaya qoraallada cayda iyo naceybka xambaarsan

Shirkadda barta bulshada ee Facebook ayaa ku dhawaaqday in ay raaceyso tallaabada ay shirkadda dhiggeeda ah ee twitter qaaday taas oo ay kula dagaalameyso qoraallada cayda iyo naceybka xambaarsan, sida uu sheegay milkiilaha Facebook Mark Zuckerberg.

Twitter ayaa dhawaan qarisay qoraal uu soo dhigay madaxweynaha dalka Mareykanka Donald Trump kaas oo ay ku sheegtay in uu ahaa mid hanjabaad xambaarsanaa.

Sarkaal u hadlay shirkadda twitter ayaa warbaahinta u sheegay in ay xayiraad saareen qoraalkan maadaama uu jabinayo shuruucda u dagsan shirkadda.

Facebook ayaa tallaabadan ku kordhineysa in ay sidoo kale la dagaallameyso qoraallada aflagaadada iyo shakhsiyaadka soo qora, waxaana ay sheegtay in tallaabadan qaadayaan si loo dhowro sharafka macaamiisha iyo shirkadaha wax ku xayeysiista bogga facebook.

Leave a Reply

Your email address will not be published. Required fields are marked *