Ra`iisul wasaarihii hore ee xukuumadda federaalka Soomaaliya Xasan Cali Kheyre ayaa xalay si rasmi ah ugu dhawaaqay in uu yahay musharax u taagan xilka madaxweyne ee dalka.

Qoraal uu soo saaray Kheyre ayaa waxaa uu ku shaaciyay inuu yahay musharax u taagan qabashada xilka Madaxweynaha Soomaaliya, isla markaama uu xilkaas u tartami doono.

AKHRISO QORAALKIISA:

Walaalayaal, waxaan shaki ku jirin in labaatankii sano ee la soo dhaafay ay dawlanimadeennu hore u socotay, tallaabadeeduba ha gaabnaatee.

Muddo xileedkii 5aad ee geeddi socodkaas, ummadda Soomaliyeed waxaan ugu soo adeegay mas’uuliyad Ra’iisul Wasaare. Xilkaas oo waxna lagu soo qabtay, Alle mahadii  waxna laga soo bartay.

Hadda oo la sugayo hannaan loogu gudbo muddo xileed cusub ee dowladda Somaliyeed, waxaan fikir iyo talo wadaag dheer kaddib halkan idinkula wadaagayaa musharaxnimadayda jagada Madaxwaynaha JFS.

Anigoo si dhab ah u fahamsan fursadaha iyo caqabadaha la xiriira hoggaaminta iyo waxqabadka dalkeennu u baahan yahay maanta iyo mustaqbalkaba, waxaan markale isu soo qaddimayaa in aan dadkayga ugu adeego si ay ku dheehan tahay karti, hufnaan iyo daacadnimo.

Leave a Reply

Your email address will not be published. Required fields are marked *

*