Taajirka iskaleh shirkadda internetka ee Microsoft Bill Gates (64-jir) ayaa qoraal uu soo dhigay bartiisa twitter-ka ku sheegay in ay tacsi u taal islamarkaana uu geeriyooday aabihiis oo lagu magacaabay William H. Gates.

Aabe William ayaa ku geeriyooday da`da 94 sano, waxa uuna dhashay sannadkii 1925-kii.

Qoraalka ayuu ku yiri mr. Gates in aabihii uu ku geeriyooday shalay gurigiisa, isagoo ay hareer fadhiyaan carruurtiisa iyo ehelkiisa.

Waxa uu intaa ku daray in la sugayay geerida Aabihiis maadaama uu da`ahaa islamarkaana caafimaadkiisu uu sii xumaanayay.

Billa Gates ayaa sheegay in wadashaqeyn tii ugu fiicneyd soo wada martay isaga iyo aabihii, uuna waligiis xusuusnaan doono.

Mr. Gates oo ah ninka labaad ee dunida ugu taajirsan ayaa qeyb ka mid ah dhaqaalihiisa ugu adeega danyarta tabaaleysan ee ku nool daafaha caalamka, isagoona u marsiiya hay`ad isaga iyo xaaskiika Melinda waxa aas-aaseen sannadkii 2000.

Leave a Reply

Your email address will not be published. Required fields are marked *

*