(COMBO) This combination of pictures created on March 17, 2021 shows US President Joe Biden(L) during remarks on the implementation of the American Rescue Plan in the State Dining room of the White House in Washington, DC on March 15, 2021, and Russia’s President Vladimir Putin during his working visit to Ivanovo, a town some 300 km outside Moscow, on March 6, 2020. – US President Joe Biden said he agrees with the assessment that his Russian counterpart Vladimir Putin is a “killer.” In an interview with ABC News broadcast on March 17, 2021, Biden said Putin would “pay a price” for trying to undermine his candidacy in the US 2020 election as alleged in a new US intelligence report.Asked if he thought Putin, who is accused of being ruthless with his opponents, is “a killer,” Biden said, “I do.” (Photos by Eric BARADAT and Alexey NIKOLSKY / various sources / AFP)

Warbixin uu Talaadadi shalay shaaciyay sirdoonka Mareykanka ayaa lagu sheegay, in madaxweynaha Ruushka Vladimir Putin ay u badan tahay inuu si toos ah u amray, isku day lagu fara-geliyay doorashadi madaxtinimada Mareykanka ee sannadki 2020-ki.

Warbixinta ayaa sheegeysa in Ruushka uu sameeyay isku day ah inuu fara-geliyo hannaanki doorashadi lasoo dhaafay, si uu ugu guuleysto madaxweynihi hore ee Mareykanka Donald Trump, laakin sirdoonka Mareykanka ayaa sheegay, in ugu danbeynti aysan dhicin saameyn wax ka baddashay natiijadi kasoo baxday doorashadi Mareykanka ka dhacday bishi November ee sannadki 2020-ki.

Warbixinta oo ka koobneyd 15 bog isla markaana kasoo baxday xafiiska Agaasimaha Hey’adda Sirdoonka Qaranka ee Mareykanka ayaa sidoo kale lagu sheegay, in Iran ay isku dayday in ay wiiqdo kalsoonida shacabka Mareykanka ee nidaamka codbixinta si ay u dhaawacdo in Trump mar kale uu kusoo baxo doorashadi Mareykanka ee sannadki hore.

Washington ayaa lagu wadaa in ay todobaadka danbe cuna-qabateyn kusoo rogto Moscow, sababo la xiriria fara-gelintani la sheegay in ay ku sameeysay doorashadi madaxtinimada ee Mareykanka ee sannadki 2020-ki.

Dhanka kale, madaxweynaha Mareykanka Joe Biden ayaa sheegay in dhiggiisa Ruushka, Vladimir Putin uu ka qomameyn doona isku daygii ay ku doonayeen inay ku farageliyaan doorashadii Mareykanka ka dhacday sanadkii hore.

Mr Biden oo la hadlayay telefishenka ABC ayaa sidookale sheegay in uu u maleynayo in madaxweynaha Ruushka uu yahay nin dilaa ah.

Xukuumadda Moscow ayaase beenisay warbixinta Mareykanka ee la daabacay talaadadii lasoo dhaafay, taas oo madaxweyne Putin ku eedeysay in uu isku dayay in uu minja xaabiyo madaxtinimada Biden, taageerana u muujiyo madaxweynihii hore, Donald Trump.

Afhayeenka aqalka Kremlinka ayaa sheegay in eedeynta Mareykanka ay tahay mid aan sal iyo raad lahayn.

Leave a Reply

Your email address will not be published. Required fields are marked *

*