Sidaas awgeed, kursiga ayaa mar kale ku soo noqday Social Democrats, kaddib markii uu horay ugu wareegay Sweden Democrats.
Xisbiyada mucaaradka ayaa hadda saddex kursi ka horreeya xisbiyada ku bahoobay heshiiska Tidö, iyadoo mucaaradku haystaan 176 kursi, halka xisbiyada Tidö ay haystaan 173 kursi, sida ay sheegtay wakaaladda wararka ee TT.
Si kastaba ha ahaatee, tirinta codadka Arbacada ayaa weli socota, waxaana suurtagal ah in qaybsiga kuraastu mar kale isbeddelo ka hor inta aan si rasmi ah loo soo gabagabeyn tirinta codadka.
