Hoggaamiyaha mucaaradka Kenya Raila Odinga ayaa kasoo hor muuqday kumanaan qof oo isugu soo baxay beerta Uhuru ee Nairobi, halkaas oo lagu dhaariyay in uu yahay “madaxweynaha shacabka” Kenya.

Raila ayaa ku dhaartay in uu illaalin doono dastuurka dalka, islamarkaasna uu hoggaamin doono Kenya.

Waxaa hareerihiisa ka muuqday qaar ka mid ah hoggaamiyeyaasha mucaaradka, balse kuwii ugu muhiimsanaa sida Kolonzo Musyoka oo ku xigeenkiisa ah kama aysan muuqanin meesha.

Hadal kooban oo uu jeediyay Raila dhaarta kadib ayuu sheegay in shacabka ay ridi doonaan wax uu ku tilmaamay xukunka kaligii talisnimada ah.

Horey waxaa dalka madaxweynenimo loogu dhaariyay Uhuru Kenyatta.

Xeer Illaaliyaha guud ee Kenya ayaa Raila uga digay in dhaarinta ay tahay fal qiyaano qaran ah, ciqaabtana ay tahay dil toogasho ah.

2 Comments

  1. siciid maxamed hoori says:

    waa faker qaladan waana dumin qaran kinyana hada ayaay gashay marxalad adag

  2. hadumaan hilbahooda ha cunaan kenya itoopiya markay dhaxdooda isqabsadan anaga somalida fursad ayee notahay maxaa yeelay dhibkooda waa hee fa.idadeena

Dhiibo Fikirkaaga

Your email address will not be published. Required fields are marked *

*

Calanka TV