Home Wararka Maanta Shir Mudaxileedka Madaxda Maamul Goboleedyada Markale loogu Kordhinaayo Oo Maantay Muqdisho...

Shir Mudaxileedka Madaxda Maamul Goboleedyada Markale loogu Kordhinaayo Oo Maantay Muqdisho ka Furmaaya

0

Waxaa Maantay la filayaa in uu furmo shirka Madasha Wadatashiga Qaran ee Dowladda Federaalka, Dowlad Goboleedyada iyo Gobolka Banaadir. Shirkan oo lagu balansanaa inuu furmo bishii hore ayaa arrimo farsamo darteed dib ugu dhacay.

Sanad ka hor, bishii May 2023 ayay ahayd markii madasha ay soo saareen War murtiyeed ay ku heshiiyeen oo ahaa in la qabto doorasho qof iyo cod oo heer Federaal iyo heer dowlad goboleed, in bisha June ee sanadkan 2024 ay dhacdo doorasho qof iyo cod ah Golaha deegaanka dowladda Federaalka iyo dowlad Goboleedyada, dhammeystirka dastuurka iyo in nidaamka Madaxtinimada dalka ay noqoto Madaxweyne iyo Madaxweyne kuxigeen, inkastoo dooddii Baarlamaanka labada Aqal ee afarta cutub wax ka bedelka Dastuurka laga dhigay in nidaamka Madaxtinimada Madaxweyne iyo Ra’iisul Wasaaraha awoodihiisa la dhimay oo Madaxweynuhu eryi karo.

Dowlad Goboleedka Puntland oo illaa afar shir ka maqneyd ayaa horay u qaadacday hannaanka wax ka bedelka Dastuurka ee afarta cutub, waxaana ay aqoonsiga kala laabteen dowladda Federaalka.

Madaxda afarta dowlad goboleed Jubbaland, Galmudug, Koofur Galbeed iyo Hirshabelle ayaa la hadal hayaa inay doonayaan in shirka berri furmaya inay ka helaan muddo kororsi, taasoo ku jaango’an muddo xileedka Madaxweyne Xasan Sheekh.

Si kastaba ha ahaatee Madaxweyne Xasan Sheekh ayay heysataa labo daran mid dooro, inuu dowlad goboleedyada waqtiga u kordhiyo oo muddo xileedkiisa la simo iyo in maamul kasta iskiis ugu madax bannaanaado qabashada doorashooyinka.

Previous articleNin Waday Qaraxyo Waawayn oo lagu qabtay Boosaaso lana Soo Bandhigay(Sawiro)
Next articleGalmudug:Maxabuus oo Doonaayay inuu Xabsi uu Ku xirnaa La Baxsado oo La dilay

LEAVE A REPLY

Please enter your comment!
Please enter your name here