Wasiirka arrimaha dibada Soomaaliya oo la kulmay safiirada Turkiga iyo Sweden
- Posted at 18/04/2017 22:39:00
By Webmaster

Wasiirka Arrimaha Dibadda Soomaaliya Danjire Yuusuf Garaad Cumar ayaa maanta si kala gooni gooni xafiiskiisa ugu qaabilay Danjiraha Turkiga u fadhiya Somaaliya iyo Danjiraha Sweden.

Wasiir Yuusuf Garaad ayaa ugu horeyn la kulmay Safiirka Turkiga Olgan Bekar, isagoo ugu mahadceliyay taageerada uu Turkigu siiyo Soomaaliya, isagoo xusay in Turkiga ay Umadda Soomaaliyeed abaal u heyso

“Danjiraha waxaan ugu hambalyeeyay natiijada Aftida Axaddii laga qaaday dadweynaha Turkiga, waxaanan u sheegay in ay Soomaaliya rajeyneyso in ay taasi sii xoojiso iskaashiga labada dal ee saaxiibka ah”ayuu yiri Yuusuf Garaad.

Mr Yuusuf Garaad ayaa tilmaamay in Danjiraha Turkiga u sheegay mashruuc biyaha iyo waraabka oo laga hirgeliyay Jowhar, isla markaana damacsan yihiin in deegaano kale gaarsiiyaan Turkidu.

Sidoo kale Wasiirka Arrimaha Dibadda ayaa xafiiskiisa ku qaabilay Mikael Lindvall oo ah Safiirka Sweden u jooga Soomaaliya, waxaana ay ka wada hadleen dhinacyada iskaahsiga labada dal u dhaxeeya.

Wasiirka ayaa sheegay in Wasaaradda Arrimaha Dibadda ay xoojineyso adeega hab maamuuska qaranka, maadaama agaasinkaas uu yahay iridda saxda ah ee xiriirka caalamiga ah ee ay Dowladaha iyo Hey’adaha Ajnabiga ahi ay tahay in ay u soo maraan xiriirka, casuumadaha, kulammada iyo wadashaqeynta iyaga iyo hey’adaha Dowladda Soomaaliyeed.Ugu dambeyn waxaa Danjire Yuusuf Garaad kulankan ku wehliyay Wasiiru Dowlaha Arrimaha Dibadda, Cabdulqaadir Axmed-Kheyr, Agaasimaha Guud ee Habmaamuuska iyo Agaasimaha Yurub iyo Ameerika ee Wasaaradda Arrimaha Dibadda.


More News...

Maxaad kala socotaa agabka dagaal ee ay ISIS uga carareen magaalooyinkii laga saaray ee dalalka Suuriya iyo Ciraaq?

20/10/2017 09:27:00:-Waxaa labo maalmood ka hor laga saaray magaalada Raqqa kooxda ISIS oo ay u aheyd caasimaddoodii dalka Suuriya, mudana haysteen. Sidoo kale waxaa kooxdaasi dagaal muddo sannad ku dhow socday lagaga adkaaday magaalada Mosul ee dalka Ciraaq. Hadaba maxey agab hub ah uga tageen?

Madaxda dowladda oo ku dhawaaqay xaalad dagaal in dalka la gelinayo sabtida wixii ka danbeeyo

20/10/2017 12:44:00:- Ra'iisul wasaaraha xukuumadda federaalka Somalia, Xasan Cali Kheyre ayaa sheegay in wixii ka danbeeya Sabtida uu dalka gelayo xaalad dagaal, isagoona shacabka Soomaaliyeed ugu baaqay inay ka qeyb qaataan dagaalka ka dhanka ah kooxda Al-Shabaab ee u taagan xasuuqa shacabka.

HARGEYSA: Guddoomiyaha ciyaalka Somaliland oo ka xun qaraxii Zoobe, baaq adagna diray

20/10/2017 10:30:00:-Cumar Cabdiqani Maxamuud oo ah guddoomiyaha ciyaalka Somaliland ayaa ka tacsiyadeeyay qarixii dhowaan ka dhacay magaalada Muqdisho, gaar ahaan isgoyska Zoobe, waxaana uu baaq adag u diray shacabka reer Muqdisho.

Taliyaha cusub ee ciidanka xoogga oo la kulmay taliyaha guud ee ciidamada AMISOM kana wada hadlay duullaan Shabaab ka dhan ah

20/10/2017 06:10:00:-Taliyaha cusub ee ciidanka xoogga dalka Soomaaliya S/Gaas Cabdiweli Jaamac Gorod ayaa la kulmay taliyaha ciidamada AMISOM Jen, Cusmaan Nuur Subagle iyo saraakiisha ugu sareysa ciidanka Midowga Afrika ee AMISOM, waxayna isla soo qaaday sida ay lagama maarmaanka u tahay in la sii xoojiyo howlgallada ka dhan ah Al-Shabaab.

Ra`iisul wasaare Khayre oo kulan dhiirri-gelin ah la qaatay dhalinyarada Gurmad Qaran, lana dar-daarmay

20/10/2017 06:02:00:-Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa ugu baaqay dhalinyarada Soomaaliyeed iney u istaagaan sidii dalka looga xoreyn lahaa kooxaha gumaadka ku haya shacabka Soomaaliyeed, xili uu la hadlayay dhalinyarada Gurmad Qaran oo maanta uu kulannlan la qaatay.

-©2006-2017 Calanka.com waa qeyb ka mid ah CALANKA MEDIA
Kor ku laabo ::: Login :::: Nagu xayeysiiso ganacsigaaga :::: Nala soo xiriir :::: Annaga / About
Waa mamnuuc in la isticmaalo ama la qaato macluumaadka ku jira boggan, amar la`aan.