Madaxweynaha Soomaaliya oo khadka taleefanka kula hadlay dhigiisa dalka Turkiga
- Posted at 21/04/2017 10:58:00
By Webmaster

Madaxweynaha Jamhuuriyadda Federaalka Soomaaliya Mudane Maxamed Cabdullahi Maxamed “Farmaajo” ayaa khadka teleefoonka kula hadlay Madaxweynaha Turkiga Recep Tayyip Erdogan.

Madaxweynaha ayaa ugu horreyn ugu hambalyeeyay Madaxweyne Erdogan iyo Shacabka Turkigaba natiijada aftida dhacday maalintii Axadda 17 April 2017, taas oo ay shacabka Turkigu si aqlabiyad ah ugu codeeyeen nidaamka siyaasadeed ee dalka.

Madaxweynaha ayaa sidoo kale u sheegay dhiggiisa Mudane Erdogan in najiitda aftidu ay sii xoojin doonto cilaaqaadka ka dhexeeya labada dal iyo iskaashiga labada dhinac.

Labada Madaxweyne ayaa si kooban ugu wadahadlay sidii loo sii xoojin lahaa xiriirka labada dal, iskaashiga dhinacyada badan iyo taageerada arrimaha bini’aadannimo oo ay Dowladda Turkigu u fidisay bulshada Soomaaliyeed ee ay abaaruhu saameeyeen.

Madaxweyne Erdogan ayaa u sheegay Madaxweyne Farmaajo in Dowladda iyo Shacabka Turkigu ay mar waliba garab taagan yihiin Shacabka iyo Dowladda Soomaaliyeed, Turkiguna uu yahay saaxiib dhow oo Soomaaliya ay isku halleyn karto. Madaxweyne Erdogan ayaa ugu dambeyn Allah uga baryay Soomaaliya in uu ka dulqaado abaaraha iyo colaadda.


More News...

Marwada madaxweynaha oo booqasho ugu tagtay dhaawacyada jiifa isbitaal Madiina

17/10/2017 17:40:00:- Marwada madaxweyne Farmaajo, Saynab Cabdi Macallin ayaa ka mid noqotay dadka booqashada ugu tegay dhaawacyada qaraxii waxashnimada ahaa eei 14-ki bishan ka dhacay isgoyska Zoobe, iyadoo wax xooggaa deeq ah gaarsiisay.

ABUU MANSUUR " - Mooshinka xildhibaanada wadaan haloo badalo mooshin dagaal oo Al-Shabaab ah"

17/10/2017 17:44:00:-"Waxaan arkay wixii sameynaaya, shacabka ha u midoobaan, boqol boqol ayaa u dhimaneysaan, laakiin hal maalin hadaad dhaqaaqdaan intaan idinkama dhiman-meysee iska dhiciya Al-Shabaab ayuu yiri" abuu Mansuur oo baarlamaanka ugu baaqay in mooshinada ay wadaan inay u badalaan mid Shabaab lagula dagaalamayo.

Qaramada Midoobay oo qalab lagu ogaanayo in dad nool ku hoos jiraan weli bur-burka geysay goobtii qaraxa ka dhacay ee Zoobe

17/10/2017 18:10:00:- Shaqaale u tababaran sheegista dhaqdhaqaaqa iyo in qof nool uu ku hoos jiro burburka ka dhashay qaraxii ka dhacay isgoyska Zoobe ee magaalada Muqdisho ayaa maanta soo gaaray goobtii uu qaraxa ka dhacay 14-kii bisha Oktoobar.

M/WEYNAHA PUNTLAND: " - Waxaannu Muqdisho u direynaa diyaarad sida daawo iyo dhakhaatiir"

17/10/2017 15:57:00:- Madaxweynaha maamul goboleedka Puntland C/weli Cali Gaas ayaa sheegay in Puntland ay ka qeyb qaadaneyso gurmadka masiibadii ka dhacday magaalada Muqdisho 14-kii bishan isla markaana maalinta beri ah ay magaalada Muqdisho usoo dirayaan diyaarad sida daawo, dhaqaatiir iyo kalkaaliyeyaal caafimad.

Kooxda ISIS oo laga qabsaday caasimaddoodii dalka Suuriya ee Raqqa

17/10/2017 17:20:00:-Isbahaysi Kurdiyiinta Suuriya ah oo Maraykanku taageero iyo dagaal-yahanno Carab ah ayaa sheegay inay si buuxda gacanta ugu dhigeen halkii xarunta u ahaan jirtay kooxda dawladda Islaamiga ee magaalada Raqqa. Afhayeen u hadlay xoogagga SDF, Talal Sello, wuxuu sheegay in xoogagooda ay guushan ku qaadatay shan bilood oo dullaan ah.

-©2006-2017 Calanka.com waa qeyb ka mid ah CALANKA MEDIA
Kor ku laabo ::: Login :::: Nagu xayeysiiso ganacsigaaga :::: Nala soo xiriir :::: Annaga / About
Waa mamnuuc in la isticmaalo ama la qaato macluumaadka ku jira boggan, amar la`aan.